Samanburður á eignum

Uppsalir Miðfirði, Hvammstanga

Uppsalir Miðfirði , 531 Hvammstanga
75.000.000kr

Grunnupplýsingar

Uppfært þann 25.11.2019 kl 16.49

  • EV Númer: 2819116
  • Verð: 75.000.000kr
  • Stærð: 1011 m²
  • Byggingarár: 1582
  • Tegund: Lóð / Jarðir
  • Tegund: Til sölu

Lýsing

Fasteignamiðstöðin Hlíðasmára 17, 201 Kópavogi sími 550 3000 er með til sölu jörðina Uppsali í Miðfirði, Húnaþingi vestra, landnúmer 144094, póstnúmer 531 Hvammstangi.
Um er að ræða 1100 hektara jörð ásamt framleiðslurétti fyrir sauðfé, upprekstrarrétti, húsakosti, malarnámu, vélakosti og hlunnindum í laxveiðiá. 
 
Á jörðinni er rekið myndarlegt fjárbú, framleiðsluréttur í sauðfé er 397,5 ærgildi. Jörðin er um 1100 hektarar þar af tún u.þ.b. 30 hektarar í ágætri rækt. Uppsalir eiga land að Miðfjarðará ásamt tilheyrandi hlutdeild í veiðifélagi. Á jörðinni er hitaveita sem komin er heim að húsvegg íbúðarhúss en ekki búið að tengja við lagnir hússins. Búið er að tengja ljósleiðara inn í bæ og þar er því gott netsamband. Bærinn stendur hátt og þaðan er frábært útsýni bæði út og inn dalinn. Smávötn, a.m.k. tvö, eru á jörðinni sem í mætti sleppa í fiski ef áhugi væri fyrir því. Einnig er á jörðinni malargrús sem nýtist vel til eigin nota.

Byggingar eru sem hér segir:

Íbúðarhús steinsteypt, ein hæð með risi byggt 1961, stærð 112 m2 sem skiptist í fjögur herbergi, eitt baðherbergi, stofu, forstofu, eldhús, hol, búr og þvottahús. Íbúðarhúsið er að mestu upprunalegt og því kominn tími á endurbætur s.s. á lagnakerfum, gluggum, innréttingum o.fl. Húsið er vel íbúðarhæft og því mögulegt að taka endurbæturnar skref fyrir skref. Byggingin þarfnast nokkurs viðhalds að utan í formi lítilsháttar steypuviðgerða og svo málunar eða utanhúsklæðningar.

Véla/verkfærageymsla steinsteypt byggð 1974, stærð 70 m2. Gott vinnurými. Staðsetning þess býður uppá að tiltölulega auðvelt er að leggja þangað hitaveitulögn til upphitunar. Ástand er gott en byggingin þarfnast málunar að utan.

Fjárhús steinsteypt með haughúskjallara byggt 1968, stærð 399,6 m2. Garðafjárhús með trérimla- og fjárhúsmottugólfi og sem rúmar ríflega 400 fjár. Í húsinu er sjálfbrynning. Auðvelt er að breyta húsinu til að koma fyrir gjafagrindum. Ástand er gott en en byggingin þarfnast málunar að utan.

Hlaða steinsteypt áföst fjárhúsi byggð 1970, stærð 200,9 m2 byggð sem þurrheyshlaða með súgþurrkun, en notuð í dag fyrir rúllur, sem aðstaða til heygjafar og fyrir sauðfé á sauðburðartíma. Gólfið er að hluta steypt og að hluta malargólf þar sem fyllt hefur verið upp í súgþurrkunarrásirnar. Vélgengt er um hlöðudyr. Ástand er gott en byggingin þarfnast málunar að utan. Við hlöðuna stendur jafnframt um 8m2 steinsteyptur súgþurrkunarskúr, sem ekki er inni í fermetratölu. Skúrinn er nýttur sem geymsla.

Geymsla við fjárhús byggð 1976, stærð 96 m2. Geymslan er bárujárnsklædd timburgrind með steyptu gólfi. Hefur undanfarið aðallega verið nýtt sem viðbótarhúsnæði fyrir sauðfé s.s. um sauðburð. Býður upp á fjölbreytta nýtingarmöguleika en því væri t.d. auðveldlega hægt að breyta í hesthús. Ástand er gott en komið að málun.

Gamalt fjós og hlaða byggt 1940, stærð samtals 132,5 m2 Húsið er heilt sem slíkt en er barn síns tíma og orðið lúið. Var síðast notað fyrir lausagönguhænur fyrir nokkrum árum en hefur annars að mestu staðið autt. Býður upp á fjölbreytta nýtingarmöguleika. Staðsetning býður uppá að hægt væri að leggja að því hitaveitulögn með auðveldum hætti.

Veiðihlunnindi: Uppsalir eru aðili að veiðifélagi Miðfjarðarár. Laxveiðihlunnindi Uppsala vegna árinnar eru u.þ.b. 900.000 á ári. Uppsalir eru einnig aðili að Veiðifélagi Arnarvatnsheiðar og Tvídægru. Félagið greiðir ekki út arð en ágóði af sölu veiðileyfa fer í viðhald skála, vega o.s.frv. á afrétti Miðfirðinga eða er nýttur á annan hátt sveitinni til góðs. Aðilar í veiðifélaginu geta eftir atvikum fengið leyfi til að veiða sjálfir í vötnum á heiðinni – þá skv. nánara samkomulagi og í samráði við formann veiðifélagsins.

Afréttur / upprekstrarréttur: Uppsalir eru með upprekstrarrétt á Arnarvatnsheiði sem er grösugt og gjöfult upprekstrarland. Réttað er í Miðfjarðarrétt.
 
Annað um Miðfjörð: Miðfjörður er blómleg sveit, ábúendur eru á langflestum bæjunum og ekkert bendir til að bæir þar séu að leggjast í eyði. Töluvert er um að yngri bændur hafi tekið við búum þar undanfarin ár og lauslega áætlað er sennilega um helmingur bænda í sveitinni undir fimmtugu.
Næsti þéttbýlisstaður er Hvammstangi sem er í u.þ.b. 20 km. fjarlægð frá Uppsölum. Þar er alla helstu þjónustu að finna s.s. skóla, leikskóla, tónlistarskóla, sundlaug, matvöruverslun, búvöruverslun, vínbúð, banka, pósthús, heilsugæslu, dýralækni, sláturhús, verkstæði og margt fleira. U.þ.b. 200 km eru frá Uppsölum til Reykjavíkur (2,5 klst akstur) og nánast jafn langt til Akureyrar.

Ágætur vélakostur. Listi yfir vélakost er fyrirliggjandi á skrifstofu Fasteignamiðstöðvarinnar. Í sveitinni er einnig rekið félag sem á í sameign nokkur tæki s.s. skítadreifara, haugsugu, tæki til jarðvinnslu o.fl. sem bændur geta pantað aðgang að og greiða sanngjarnt leiguverð fyrir. Á flestum bæjunum er sá háttur hafður á að rúllun og pökkun er aðkeypt þjónusta og þrír aðilar á svæðinu hafa síðustu ár boðið uppá þá þjónustu að rúlla og pakka fyrir aðra. 

Uppsalir eru áhugaverð jörð sem vert er að skoða þar sem margskonar nýtingarmöguleikar eru í boði.
Tilvísunarnúmer  10-2434

Nánari upplýsingar á skrifstofu Fasteignamiðstöðvarinnar sími 550 3000
Sjá einnig:  fasteignamidstodin.is fasteignir.is/mbl.is/fasteignir/ fasteignamidstodin@fasteignamidstodin.is

Magnús Leópoldsson lögg. fasteignasali  gsm 892 6000 magnus@fasteignamidstodin.is         
Sjöfn Ólafsdóttir lögg. fasteignasali sími 550 3000 sjofn@fasteignamidstodin.is

Skoða allar myndir
Reikna verðtryggt jafngreiðslulán.
Sett fram myndrænt
  • Verð 75.000.000kr
  • Fasteignamat 28.393.000kr
  • Brunabótamat 113.300.000kr
  • Áhvílandi 0kr
  • Tegund Lóð / Jarðir
  • Bygginarár 1582
  • Stærð 1011m2
  • Herbergi 0
  • Skráð á vef: 25. nóvember 2019
  • Skoða Landeignaskra
  • Skoða Fasteignaskrá

Fylgieiningar

Title Tegund Verð Herbergi Baðherb. Stærð Byggingarár

Óskilgreint/vantar

2.950.000kr 1582

Óskilgreint/vantar

2.530.000kr 1582

Óskilgreint/vantar

7.660.000kr 112 m² 1961

Véla/verkfærageymsla

1.480.000kr 70 m² 1974

Óskilgreint/vantar

1.030.000kr 78 m² 1940

Óskilgreint/vantar

6.400.000kr 400 m² 1968

Hlaða

823.000kr 54 m² 1940

Óskilgreint/vantar

3.460.000kr 201 m² 1970

Geymsla

1.035.000kr 96 m² 1976

Staðsetning og fleira

  • Heimilisfang Uppsalir Miðfirði
  • Bær/Borg 531 Hvammstanga
  • Svæði: Norðurland
  • Póstnúmer 531
  • Land: Iceland

Hafðu samband

Magnús Leópoldsson
Magnús Leópoldsson

Fá upplýsingar um þessa eign

  • Óþarfi er að taka fram heiti fasteignar og hlekk í skilaboðum

Flettingar

Sambærilegar eignir

Til sölu

m²: 1013.2

Lóð / Jarðir

Magnús Leópoldsson

6 mánuðir síðan

45.000.000kr

m²: 1013.2

Lóð / Jarðir

6 mánuðir síðan

Til sölu
Til sölu

Efri Þverá II, Hvammstanga

TILBOÐ ÓSKAST

m²: 703.2

Lóð / Jarðir

Magnús Leópoldsson

3 mánuðir síðan

TILBOÐ ÓSKAST

m²: 703.2

Lóð / Jarðir

3 mánuðir síðan

Til sölu

Lóð / Jarðir

Magnús Leópoldsson

3 mánuðir síðan

240.000.000kr

Lóð / Jarðir

3 mánuðir síðan