NÁNARI LÝSING: Inngangur og stigagangur er sér fyrir eignina.
Íbúð 201 á annarri hæð. Komið inn í forstofu með fataskáp. Eldhús er til vinstri en þar er grá sprautulökkuð innrétting. Borðstofa og stofa eru samtengd en hægt að aðskilja með rennihurð og nota borðstofuna sem herbergi. Svefnherbergin eru þrjú talsins, eitt sem liggur beint frá forstofu og hin tvö eru aðgengileg frá herbergjagangi. Baðherbergi er einnig á herbergjagangi og er það flísalagt á gólfi og veggjum þar er baðkar, vaskur og salerni. Útgengt er á suðvestur svalir frá hjónaherbergi. Fallegt gegnheilt fiskibeinsparket er á mest allri íbúðinni.
Íbúð 301 á þriðju hæð. Komið er inn á gang sem tengir saman önnur rými íbúðarinnar. Opið er inn í nýlegt eldhús með hvítri innréttingu, öll tæki nýleg. Baðherbergi er einnig nýlega uppgert en þar er sturtuklefi, upphengt salerni, haldklæðaofn, og innrétting sem tekur þvottavél og þurrkara. Baðherbergið er með lökkuðu epoxyefni á hluta veggja og á gólfi. Á herbergjagangi eru þrjú svefnherbergi og rúmgóð stofa, skápar í öllum herbergjum, ýmist frístandandi eða innbyggðir. Parket er á gólfum í svefnherbergjum, stofu og á gangi. Einnig er á hæðinni setustofa, sem er mikið undir súð. Rafmagn er endurnýjað á efri hæðinni. Kvistir eru á öllum herbergjum en þakgluggar í eldhúsi, baði og súðarherbergi. Gólfflötur hæðarinnar er stærri en skráðir fermetrar vegna súðar.
Eigninni fylgir upphitaður bílskúr með rafmagni, heitu og köldu vatni. Nýlegt epoxyefni á gólfi.
Stigahús fyrir eignina er með teppi á. Eignin á hlutdeild í sameiginlegu þvottahúsi í kjallara.
Húsið var múrviðgert og endursteinað fyrir ekki löngu. Dren og skolp hefur verið endurnýjað frá húsi út í götu.
Ástand eignarinnar er almennt gott og endurbætur hafa tekist vel og húseignin sérlega falleg
Upplýsingablað seljanda um ástand eignarinnar og húsfélagsyfirlýsingu er hægt að nálgast hjá fasteignasölunni.
Falleg uppgerð eign sem býður upp á marga möguleika fyrir 1-2 fjölskyldur eða sem útleigueining.
Nánari upplýsingar veitir Svan Gunnar Guðlaugsson löggiltur fasteignasali í síma 697 9300 eða svan@miklaborg.is
Skoða allar myndir
