Samanburður á eignum

Hemruhlíð, Kirkjubæjarklaustri

Hemruhlíð 0, 880 Kirkjubæjarklaustri
23.000.000 kr

Grunnupplýsingar

Uppfært þann 11.03.2021 kl 11.33

  • EV Númer: 5398173
  • Verð: 23.000.000 kr
  • Byggingarár: 1582
  • Tegund: Lóð / Jarðir
  • Tegund: Til sölu

Lýsing

Nýhöfn 530 4500 
Hemruhlíð í Skaftártungum

Sumarbústaðaland, alls 34,3 ha samkvæmt Þjóðskrá.

Staðsetning:
Hemruhlíð er í Skaftártungu, vestan við Tungufljót. Stutt frá Skaftártungnavegi, þjóðvegi 208, sem liggur frá þjóðvegi 1. Hemruhlíð er u.þ.b. 40 km austan við Vík og um 25 km vestan við Kirkjubæjarklaustur.
Frá Skaftártungnavegi liggur leiðin yfir Syðra-Fjallabak, vegur F210 sem liggur alveg að Hvolsvelli. Vegurinn um þá þekktu leið Nyrðra-Fjallabak, inn í Landmannalaugur og Langasjó svo eitthvað sé nefnt,  liggur líka frá Skaftártungnavegi. 

Lýsing:
Hemruhlíð liggur austur af svipmiklu klettabelti og lægri ás sem liggur að lóðamörkum Hemruhlíðar og Hemruskógar.
Landið er ágætlega gróið náttúrulega birkikjarri og hallar að mestu austurs að Tungufljóti. 
Útsýni er til allra átta en mest yfirsýn er til austurs og suðurs. 
Landið er mikið til kjarri vaxið.
Mögulegt að hafa fasta búsetu og byggja frístundahús.
Fyrir liggja drög að deiliskipulagi fyrir landið, unnið af Kanon Arkitektum. Þar er gert ráð fyrir allt að 20 sumarhúsalóðum. Breyting á aðalskipulagi hefur verið kynnt fyrir skipulagsnefnd sem tók jákvætt í deiliskipulagsáform og hefur fallist á aðalskipulagsbreytingu samhliða enduskoðun aðalskiðulags.
Auðvelt hefur reynst að bora eftir köldu vatni á svæðinu.


Svæðið:
Skaftártunga og nágrenni hafa upp á margt að bjóða og þar má finna bæði veitingastaði og afþreyingu.

Hemra í Skaftártungu  – Hemruhlíð:
Skaftártunga, nú hluti af Skaftárhreppi, liggur milli Hólmsár að vestan og Eldvatns (sem er kvísl úr Skaftá) að austan. Báðar þessar ár eru jökulár.  Um miðja sveitina rennur svo Tungufljót sem er bergvatnsá og á upptök nyrst í Ljótarstaðaheiði við vesturendaenda Bláfjalls.  Hólmsá, Tungufljót og Eldvatn mætast sunnan við Skaftátunguna og verða að Kúðafljóti sem rennur svo til sjávar milli Meðallands og Álftavers.  Í Tungufljót gengur sjóbirtingur og getur hann veiðst vel snemma vors, í apríl til maí,  og svo aftur að hausti, ágúst til október.  Einnig slæðist einn og einn lax í fljótið en það er ekki í miklum mæli.  Veiðfélag er starfrækt um fljótið.

Jörðin Hemra er sunnarlega í Skaftártungunni, landamerki að sunnan á móti Flögu og hins vegar að norðan á móti Snæbýli.  Land jarðarinnar liggur að Tungufljótinu og er bakkalengdin um það bil 10 km.  Vegalengd frá Vík að Hemru um þjóðveg 1 um Mýrdalssand er um það bil 50 km. og frá Hemru að Kirkjubækjarklaustri um Skaftáreldahrun um 30 km.  
Hemran er landstór jörð og var talin góð sauðfjárjörð.  Land í Skaftártungu er fremur snögglent sem helgast af öskulögum sem komið hafa í kötlugosum liðinna alda.  Landið er samt almennt vel gróið, lítið um votlendi en mjög víða kjarrlendi svo sem birki og víðir.

Hemruhlíð er lítill hluti jarðarinnar Hemru, um 34 ha., og liggur milli túnanna norðan Hemrubæjarins og á móti Hemrumörk sem er skógarbýli þar sem plantað hefur verið miklu magni af ýmsum trjátegundum.  Landsvæðið sem Hemrumörk er á er algróið sléttlendi vaxið kjarrgróðri, bæði birki og víðitegundum, og þar var á árum áður mjög gott krækiberjaland. 
Landið liggur annars vegar í átt að Tungufljóti og eru aðeins  nokkrir tugir metra frá lóðarmörkum að fljótinu.  Hins vegar eru falleg klettabelti og grasbrekkur sem er kjörið land til gönguferða og útivistar.  Gott útsýni er til austurs yfir til nærliggjandi bæja, Úthlíðar, Hlíðar og Austurhlíðar og einnig inn sveitina til bæjanna Grafar og Borgarfells.   Þá er einni gott útsýni til suðurs í átt að Skaftáreldahrauni sem liggur meðfram Kúðafljóti að austan.

Til að bóka skoðun sendið okkur línu á póstfangið nyhofn@nyhofn.is eða hringið í síma 530 4500 / 693 3518

Skoða allar myndir
Reikna verðtryggt jafngreiðslulán.
Sett fram myndrænt

Staðsetning og fleira

  • Heimilisfang Hemruhlíð
  • Bær/Borg 880 Kirkjubæjarklaustri
  • Svæði: Suðurland
  • Póstnúmer 880
  • Land: Iceland

Hafðu samband

Elvar Árni Lund
Elvar Árni Lund

Fá upplýsingar um þessa eign

  • Óþarfi er að taka fram heiti fasteignar og hlekk í skilaboðum

Flettingar

Sambærilegar eignir

Til sölu
Til sölu

Hemruhlíð, Kirkjubæjarklaustri

22.900.000 kr

Lóð / Jarðir

Viðar Böðvarsson

4 mánuðir síðan

22.900.000 kr

Lóð / Jarðir

4 mánuðir síðan